torsdag 29. desember 2011

Pinnekjøtt wrap

Det blei ei rolig og avslappande julafta på oss i år. Eg og min kjære feirte i lag bare oss to. Først gjekk me i fjøsen ilag og så bar det heim til middagslaging. Me laga pinnekjøtt, eg var litt spendt på korleis det skulle gå, er jo fyrste gong me lager det, men det blei veldig godt. Etterpå slappa me av på sofaen før me åpna pakkane. Øveraskane mykje pakkar til å bare vera oss to og me fekk mykje fint! Takk for deeet :) 


Det blei sjølvsagt ein del restar etter middagen, så i dag søkte eg råd hos min trofaste matspesilaist, Google, om kva eg kunne bruke desse restane til. Eg kom over eit tips om å ha dei til tortilla-lefser og det høyrtes jo ut som ein god ide! Eg steikte kjøttet, varma lefsene, smurte dei med rømme og hadde på det eg hadde av grønsaker. Det blei veldig godt! Så det kan anbefalst om du har ein rest ståande! 


No nermar det seg eit nytt år, med nye mulighetar. Eg har mykje spennande føre meg, blandt anna ny jobb og tur til Brasil! 

GODT NYTT ÅR! 

tirsdag 20. desember 2011

Jul i stova

Dei siste dagane har eg pynta til jul. Hadde egentlig tenkt å pynta litt tidligare, men dagane fyk avgarde så det har ikkje blitt før no. Ellers ligg eg godt ann med juleforberedelsane. Pakkane var eg tidlig ferdig med i år, dei fleste er pakka inn og nokon levert ut. Eg har vore med svigermor, svigerinna og tanteungane og baka småkaker og har vore i lefselære hos svigermor. Pinnekjøttet er bestillt. så eg føle eg e ganske klar for ei rolig og ferdelig julefeiring :) 
Her e eit lite utsnitt av vår julepynta stove:







 God jul! 

fredag 2. desember 2011

Julekalender :)

Eg har i fleire år laga pakkekalender til min kjære. Fordi eg synes det er koselig. Får julestemning av å pakke inn 24 små pakkar. I år kjente eg at inspirasjonen ikkje var heilt på plass, så eg lurte på om eg skulle droppe heile kalenderen. Istaden foreslo eg for min kjære at me kunne ha kalender annakvar dag i år, eine dagen til han og andre dagen til meg. Ideen fekk vel heller laber mottagelse, så eg tenkte at då blir det ikkje noko kalender i år. Så nokre dagar seinare seier min kjære at me får no laga kalender til kvarandre til kvar dag. På julehandel i Haugesund fekk han kjøpt alle pakkane, og 30. november låg det ein haug av gaver på golvet :) Eg e imponert!Og føle meg veldig heldig  :) Og så e da jo så kjekt med pakkekalender! Eg glede meg til å åpna dei. Nesten så eg ikkje klare å venta! Neida eg har ikkje kneppt på dei altså! nesten ikkje iallefall ;) 


 I dei to første pakkane har eg fått adventskalendera :) Ein smarties og ein flax. Søte kjæresten min :) 


mandag 21. november 2011

Lampene på plass

No er nye lamper på plass. Det blei til at eg flytta lampene me hadde på soverommet inn i stova, dei passa jo perfekt der! 

Lampene er kjøpt på Ikea. 

Nye lamper er kjøpt til soverommet. Dei var litt mindre enn eg hadde sett for meg, men eg synes dei er knalltøffe! Likar spesielt godt at dei kan snuast i alle vinklar. 



onsdag 16. november 2011

Min første bil!

Så har eg altså gått henn og kjøpt meg bil! For fyrste gong! Det er noko heilt spesielt med å vera eigar av min heilt eigen bil. Eg har lenge gått og drømt om kossen den første bilen min skulle vera...

Den fyrste bilen eg huksar, er Ladaen me hadde i barndommen. Jada eg har hørt alle vitsane, men eg blei oppriktig glad i den bilen! Den lukta bensin i fleire mil etter fylling. Seta var brennheite om sommaren og iskalde om vinteren. Men gu kor lei meg eg va den dagen me skulle bytta Ladaen ut, med ein bil som var litt meir praktisk for to vaksne og fira ungar.


bilde tatt frå maxx.no der du kan få kjøpt rosa felgar
Seinare, når eg var begynna å kikka på rånarane, drømte eg om ein prikkete bil med rosa felgar, sota ruter og ein heftig sub - slik at scooter virkelig fekk komme til sin rett. 


Like før eg blei 18 sto det ein raud Nissan cherry, med gullfelgar, til salgs rett utenfor der eg budde. Den hadde eg lyst på! Men eg tok jo ikkje lappen då, da drøyde litt med den.


I seinare tid har drømmane mine kretsa rundt ein spesiell bil. Ååå så eg har lyst på ein mini morris! Ein raud eller blå, med striper på taket. Tenk å susa rundt i ein mini! Perfekt!
bilde tatt frå mini.no der du kan få kjøpt miniar
Drrrrrrrrrrrrrrrrrrrrrrr! Vakn opp! 
Jaja så er den vel ganske langt i frå drømmen, men likevell: min første bil! Eg kan jo alltids lakka felgane rosa? (Så hjelpe da jo litt på at eg  får byttelåna den med sambuaren sin BMW :)




fredag 11. november 2011

Eit glimt av sol :)

For å nyte litt av sola i dag, gjekk eg til Brakhaug rett etter jobb. Eg hadde håpa å nå sola der oppe, for eg såg ho var der då eg køyrde heim. Eg var nok akkurat litt for sein, men fekk med meg ein flott solnedgang istaden. 
 På veg ned møtte eg på denne karen. Eg smaug meg innpå for å få eit godt bilete, men når han begynna å komme mot meg kjente eg eit behov for å skunte meg vekk og ta ein omveg rundt han og kameratane hans. Han har jo tross alt ganske store horn! 
God helg i finaveret! 

torsdag 3. november 2011

Eit lite syprosjekt til ein liten prins






Eit lite syprosjekt eg nettopp blei ferdig med. Må sei eg e ganske fornøyd med resultatet. Har vore kjekt å tenka på den vetle prinsen som skal ligge å sprelle i den, medan eg har sydd. Endelig er han komme og tante gledar seg til å sjå han :) 




torsdag 6. oktober 2011

Ryddebyge og sofaputer

Plutselig kjem den over meg, Ryddebyga. Ei veldig trang til å rydde pressar seg på. Eg får masse energi som MÅ kanaliserast i rydding. Den kjem heilt utan forvarsel og i ulike samanhengar. Muligens blir det utløyst av rot, men det er ikkje automatisk sånn at om det er rot så kjem den. Då hadde den nok komme oftare.
Det går unna i ein fei, eg gjer mange ting samtidig og nermast kosar meg med det. Det gjeld å utnytte byga når den først har meldt sin ankomst. For plutselig blir den vekke, like fort som den kom. Helst før eg blei ferdig med det eg begynna på. Iallefall før eg blei ferdig med alt som skulle vore gjordt. Så står eg der aleine tilbake, med eit berg av arbeid som skal gjerast, og alt er like kjedelig igjen.

Ein rydda versjon av stova, med nysydde puter i sofaen. Håpar me ikkje blir veldig lei av lilla med det første.



torsdag 29. september 2011

Dagens kvardagsdrama :)

Midt oppi ein svært stressande situasjon på jobb i dag, set eg meg ner på huk. Riiitjs seier det då, "det kan ikkje ha vore det det høyrtes ut som" tenkte eg, såg ner og konstanterte at jo da buksa var revna! Lengst oppe på låret var eit godt stykke hud komme til syne. 
Dette kan slik eg ser det komme av ein av to årsaker, 
1: eg har lagt meir på meg enn eg trudde den siste tida. 2: Eg har bare utslitte kler. 
Eg valgte sjølvsagt å gå for den siste forklaringa, då tiltaka i dette tilfellet fristar til gjennomføring. Sidan eg uansett hadde fleire ærend på senteret etter jobb, drog eg singletten godt ned på knerna og gjekk på shopping. Eg gjekk der til innkjøp av ei ny bukse med det samme! I ein størrelse for liten... Det var jo på ingen måte særlig rasjonelt, sidan eg gjekk rundt med ei spjæla bukse, så kvifor seier du? Den var på salg kan vita! 


I kveld har eg vore på fjelltur etter gamalt. Dette heng på ingen måte saman med den spjæla buksa (jamfør årsaksforklaring nr 1). Det heng utelukkande saman med dette merkelige, men deilige fenomenet som føregjekk utanfor dørene i dag. Dei kallar det vsitnok "Godt vær", og slik må nytast når det plutselig finn det for godt å dukka opp. Eg tok ikkje med kameraet, noko eg angra på når eg kom til topps, for der var det nydelig, med sol og fine haustfargar i fin harmoni. 

onsdag 14. september 2011

Lampe inspirasjon

Det er litt mørkt i stova vår og eg er på jakt etter fleire lamper som kan lyse opp i den mørke tida me går inn i. Det må av praktiske årsaker vistnok vera ei vegglampe, har eg fått beskjed om. No sit eg på nett og leiter etter den perfekte lampa. Eg trudde eg viste kva eg såg etter, men no er eg ikkje like sikker lenger. Det er jo så mykje fint. 
Her er eit lite utvalg:
Ganske stilige, men litt usikker på om dei passe i stovo? hm... har eg ein anna plass eg kan henge ei slik kanskje? 
bilde stjelt frå design belysning


Har jo runde glasskuler i stova frå før, så kan jo fortsetta i samme stil.
bilde stjelt frå bohus

Eller kanskje ei litt meir kunstnerisk?
bilde stjelt frå design belysning

bilde stjelt frå design belysning

Dette er den desidert stiligaste lampa eg har sett! Ei veske lampe! Desverre litt over mitt budsjett... 
bilde stjelt frå design belysning

Nokon som veit om ei bra lampebutikk eg må sjekke ut?

lørdag 3. september 2011

Forvirra

Eg synes ofte det kan vera vanskelig å velge. Særleg om ein har mykje å velge mellom. For eksempel kva me skal ha til middag. Eit hav av mulighetar, men ingen idear. Og kva skal ein velge ut frå? Kva eg har lyst på? kva som er sundt? kva det er lenge sidan me har hatt?
Snart er det kommuneval og eg har jo sjølvsagt tenkt å stemma, men i ein vrimmel av parti er det ikkje lett å finna ut kven eg skal stemma på.
Har prøvd å følga litt med i dei lokale debattane. Problemet er jo att alle ser ut til å meina da samma! Dei e jo heilt enige! Bedre skule, bedre eldreomsorg, bedre infrastruktur o.s.v. Ja sjølvsagt er ingen ueinge i det, men kva skal det gå på bekostning av, og kva meinar dei eigentlig med betre? Eg synes alle partiprogramma skulle hatt eit avsnitt med kva dei vil nedprioritere for å få til alle dei fine lovnadane sine. Då hadde det vore lettare å gjere eit bevisst val.
Eigentlig synes eg det burde vore ferre parti å velge mellom, så hadde det kanskje blitt tydleligare forskjellar mellom dei. Og så hadde kanskje partia blitt store nok til å faktisk fått gjennomført politikken sin og. Ein ting eg ikkje liker er når partia på førehand går ut og seier kven dei har tenkt til å samarbeide med etter valet. Er det ikkje betre å finne det ut etterkvart? Sammarbeide med ulike parti i ulike saker? Eller så kunne dei vel liksågodt bare slått seg saman med det samme?
Eg har prøvd å ta ulike valgomatar på nett for å prøve å bli klokare. Det blir eg såvist ikkje. Når bare få prosentar skiller kor eing eg er med Raudt og FRP er det noko som ikkje stemmer. Iallefall blir det ikkje lettare av at dei tre valgomatane eg har tatt seier eg er mest ening med tre ulike parti.
Jaja eg har no framleis ei god veke på å finne ut kva eg skal velge ut frå. Kven eg vil ha som ordførar? Kven som ligg nermast mitt verdisyn? Kven som lover mest gull og grønne skogar? Det er nemlig ikkje nødvendigvis samme parti.
Godt val!

onsdag 17. august 2011

to heltar


På Rhodos fann eg denne toppen med to av mine musikalske heltar på. Den måtte eg sjølvsagt ha, det var jo nettså den var laga til meg. Heltane er Kurt Cobain frå Nirvana og Bob Marley
Dei to andre som er avbilda er eg noko usikker på kven er... Nokon som veit?

Nirvana begynna eg å lika fordi søstero mi likte dei. Men det gjekk snart over til ekte lidenskap. Kurt Cobain var nok min første musikalske forelskelse. Eg hadde poster av han hengande på rommet og skreiv stil om han på barneskulen.



Bob Marley e jo bare toppen av feelgood musikk! Ein må jo bli i godt humør av å høyre på dette :)
"Don't worry about a thing, Cause every little thing gonna be all right!"

tirsdag 16. august 2011

Shopping med søstrene

Ei ny veke er godt i gang og ei innhaldsrik helg ligg bak meg. På fredag reiste eg til storesysto og familien hennar. Ho har to herlige jenter som tante storkose seg med :)

På lørdag møttes alle 4 søstrene Bakke i Bergen klare for shopping. Anledninga var å feire storesysto sin 30 årsdag. 4 søstre på shopping i lag kan jo tenkast å få dramatiske utfall, men faktisk så gjekk det knirkefritt og me storkoste oss alle saman. Og bæreposane blei mange, iallefall i mitt tilfelle. Det er ikkje så ofte me treffes alle søstrene samtidig men det er veldig kjekt når me får det til. Dagen frista til gjentakelse jenter :)


Etter dei to elste reiste heim til sine små, var eg og vetlesysto på DnB NOR sin gratiskonsert på Torgalmenningen. Bergen Filharmioniske Orkester spelte ilag med ulike bergensartistar. Høgdepunktet var nok Young Dreams, eit nytt band som høyrtes lovande ut. Lars Vaular gjorde seg også overaskande bra med orkestermusikk. Sjølvsagt blei det heile høgtidlig avslutta med nasjonalsangen til Bergen; Nystemten - dei e virkelig nåke for seg sjølv desse bergensarane :) Etterpå var det DnB nachspiel med gratis mat og drikke, og det gjekk jo som det måtte gå ;) Kjekt var det iallefall.

Ha ei strålande veke!

mandag 8. august 2011

Silkekjole

For fleire år sidan arva eg ein kvit silkekjole av tanta mi. Strikken måtte strammast noko og når eg først var i gang med det tenkte eg at eg kunne jo endre litt på designen og. Eg demonterte difor heile kjolen. Kjempe ide! Det ente med at den blei liggande i diverse skuffer og skap, bortgjømd og slett ikkje ein silkekjole verdig. Eg har hatt fleire idar oppover korleis eg kan fikse den, men har aldri gjennomført nokon av dei. Eg har fleire gongar angra på at eg ikkje bare hadde den slik den var, for den var jo fin slik.
Her ein dag satt eg og surfa på nettet og var innom nokre klebutikkar. Då plutselig såg eg heilt for meg korleis eg skulle ha kjolen. Eg gjorde det heilt enkelt, sydde ein saum oppe og drog eit silkeband gjennom, rynka til og sydde saman i sidene. Endelig er silkekjolen klar til bruk!



onsdag 3. august 2011

Orden i sysakene

Syrommet er no så godt som ferdig. Kjekt med eit eige rom der symaskina og diverse prosjekt kan stå framme. 

 Godt med eit skap med plass til å samla stoff, gamle prosjekt og ymse syutstyr. Tråsnellestativet er kjøpt hos Frøken Fryd.

 Boksar frå Ikea som er kjekke å samle småting i. Skal ha nokre fleire av dei.

 Eg har laga meg ein pose til å ha stikkepinnar og heklenåler i.


 Gjesteseng har også fått plass. FlowerPower Gardiner og sengeteppe sydd i stoff frå Ikea.


onsdag 27. juli 2011

Ferietur og ripsgele

I forige veka var eg på besøk hos Besto og Besten på sørvestlandet. Der var me alltid på ferie når me var små. Der er mange gode barndomsminner kommen til. Den gongen var det kjempe langt å reisa og allereie etter 30 min begynna me å spør om det var langt igjen. Bilsjuke var me og. Ååå men så kjekt det var å komme heim til gode Besto og Besten. Det var det denne gongen og.
Mange timar sat eg fasinert og høyrte Besto fortelje historiar frå sitt 90år lange liv. Ho fortalte om ei anna verd, ein annan virklighet. Gode timar.

 Besto er ein multikunstnar som alltid har eit prosjekt på gong. Ho har til dømes fletta dette piletreet. Ganske dekorativt å ha i hagen synes eg.

Besto og Besten bur i nærheten av Eik, der Eik Treskofrabrikk ligg. Det er Norges einaste treskofabrikk og dei lagar masse fine tresko som dei sel over heile landet. Me var innom fabrikken og eg falt for desse fine treskoa som fekk vera med meg heim :)
Eg spurte besto om ho hadde oppskrift på ripsgeleen ho lagar. Den gode ripsgeleen eg huksar så godt. Ho hadde ingen oppskrift, men forklarte framgongsmåten. Eg skreiv det ikkje ner, så eg måtte stole på hukommelsen når eg kom heim og skulle prøve. Fyrst måtte eg altså plukke rips. Eg plukka og plukka i opptil fleire minuttar. Me kan vell vera einige om at det er ganske kjedelig å plukke bær? Dei er jo så små og gjer så lite av seg. Når eg var fornøygd med mengda, bar det heim og eg kokte bæra i litt vatn. Etterpå helte eg dei over ein saftduk (som faktisk er ein duk laga spesiellt for safting! eg fekk den av Besto) så safta blei silt ut. Det viste seg at eg hadde laga heile 4 dl saft! Dette satte eg på kok og hadde i 4 dl sukker. Eg hadde bare vanlig sukker og ikkje syltesukker sånn som Besto sa eg skulle. Så sto det og trakk ei tid før det var blitt til gele! Fantastisk! I går skulle eg smaka på geleen min. Nybakt bolle med ripsgele = NAM. Eller ikkje. Verken konststens eller smak blei særlig bra. Litt usikker på kva eg gjorde feil, men eg får nok prøva igjen ein annan gong. Eg er jo tross alt i besittelse av ein saftduk.

Mitt lille land

I dag sit eg her med ei kjensle av stolthet. Eg er stolt over å vera norsk. Av å vera del av eit folk som reagerer med KJÆRLEIK, OMSORG og ÅPENHET i møte med det grusomme. Det står i sterk kontrast til rop om HAT og HEVN, som me har sett døme på i andre land. Det er rørande og imponerande å høyre AUF-ungdommen ytre at slik vil me reagere. Når dei som har stått ansikt til ansikt med han og sett grusomheten med eigne auger klarer det, så må me andre klare det og. Det gjer godt å tenke på at ved å reagere slik oppnår han ikkje det han ville. Han har bare tapt.
Dei første timane etter bomba i Oslo, satt eg faktisk å tenkte: "kor blir det av  Jens Stoltenberg? No burde han snart sei noko, NO burde han stå opp som ein leiar for landet". Og det gjorde han, så til dei grader. Eg er mektig imponert over den mannen! Han er hardt ramma personlig, likevell klarer han å stå opp og sei alle dei rette tinga. Og samle eit heilt folk.
Det gjer vondt i hjerte å tenke på alle dei som så urettferdig blei reve vekk frå livet, alle dei som har mista sine kjære og alle dei som har hatt traumatiske opplevingar i møte med denne grusomheten. Det kjem det nok alltid til å gjere.

lørdag 23. juli 2011

22. juli 2011

Ubeskrivelig trist. Meiningslaust. Mine tankar går til alle dei involverte og pårørande.  

mandag 11. juli 2011

Deilige Rhodos

Avslapping, sol, varme, bading, byvandring, god mat og drikke, herlig stemning.

 

Bonden min ordna seg fri ei veke, så då var det bare å nytta på. Rett ut på reisebyrået og tre dagar seinare satt me på flyet, på veg til sola og varmen som for tida er å finna i Hellas. Me budde i Rhodos by, ein virkelig flott by, spesielt gamlebyen der me tilbrakte mykje tid... og pengar. Føle eg har bidratt med mitt til den greske økonomien iallefall ;) Så får me håpa sommaren kjem ein tur her og snart.