og vi maler og vi maler…

Travle tider, dagane går i oppussing. Sjølv om huset fremdeles ser meir ut som ein byggeplass enn ein heim, går det sakte men sikkert på fram. Vegger er flytta. Stova og kjøkken er plata, sparkla og mala (tak og vegger). Soveromma er ferdig mala. Det elektriske anlegget er skifta ut. Alle vindua er skifta. Tak er plata. Loftet er isolert. Gangen er plata, klar for sparkel og maling. Kjøkken og trapper er bestillt. Ein god del gjenstår, men me kryssar fingrane for at me er inne til jul :) 

Soverommet er einaste rommet som ikkje er mala kvitt.
Fargen kjem ikkje så godt fram på bilde, men er turkis. 

Gangen. Trapperommet er åpna opp, så no er det blitt ein stor lys gang.  

Brannmuren er mala i skifer, synes det blei veldig bra! 

Veggen er slått ned, klart for kjøkkenet å flytta inn.

Diana med bloggen My Dream har ein veldig flott giveaway no. Den blåe lampa hadde jo vore perfekt i stova her, så den må eg jo prøva å vinna! Klikk på bilde for å komme til giveawayen! 

Uteplassen

Utenfor huset har det skjedd store forandringar i det siste. 

Eit litt dårlig før-bilde, men det er vist det einaste eg har. Bilvegen gjekk rundt heile huset. Det var liten plass å snu bilen på og grusen var laus, så det å rygga opp var ikkje aktuellt (for meg iallefall;). Ved sida av huset var det ein ganske bratt plen, med frukttrær.

No har me fått stor parkeringsplass, med eigen snuplass :) Fruktræra måtte bøta med livet i prosessen. 

På framsida er veien vekke og me har fått ein fin flat plen :) eller det blir plen der til våren iallefall. Eg e så fornøyd! Grei utsikt frå hagen dette :) 

Vetleguten er storfornøyd når han får vera ute og jobba :) 

Oppussingsrapport :)

Sjølv om sommaren er den travlaste tida for bonden min, har me fått gjordt litt i huset. Vegger er reve og nye er sett opp. Tapet er reve, nokre vegger er grunna og sparkla og nokre takplater mala. Prosjektet batt på seg når me bestemte oss for å utvide trappeholet for å sette inn breiare og slakkare trapper. Dei som var der var veldig smale og bratte. Så no går me for åpen trappeløysing frå kjellar til loft. Det innebar flytting av berevegger og mykje ekstra arbeid, men resultatet kjem til å bli så bra :)

Vetleguten kryper rundt i full fart og utforskar verda rundt seg, så det går ikkje så fort med oppussinga for hønemor (ja så er eg vist blitt det eg og ;), som passar på! 

Me har bestemt oss for å gipsa stova, kjøkkenet og gangen og male rett på den. På soveromma vil me prøve å male på dei platene som var der. Så no har eg vore og fått meg fargeprøvar som eg har hengt opp inni huset. Det meste blir kvitt, men eg vil ha eit innslag av turkis. Må jo ta opp noko farge frå den flotte sjøutsikta vår! 

Steikje goe potete!

Tenkte eg skulle dele oppskrifta på det som er favorittpotetene her i huset for tida. Oppskrifta er inspirert av ei eg såg på Jamie Oliver sitt tvprogram. Han brukte nokre småpoteter, eg har brukt amandiepoteter, men dei siste gongane har eg brukt vanlige nypoteter og det blir vel så godt! Einaste forskjellen e at du må dela dei opp først. Den går så her:

- steik poteter og kviløkdfedd (ein god del, gjerne ein heil kvitløk) i olje

- ha vatn i steikepanna og la det koke til potetene er passe mjuke, dei er best akkuratt før dei er gjennomkokt.

- renn av vatnet og steik på nytt i olivenolje. 

- krydre med det du liker, eg synes basilikum og saltflak er godt

Velbekomme :) 

Tapet triks!

Då er me i gang med oppussing. I dag og i går var det riving av tapet som sto på tapetet (fiffig ordspel, fornøyd med den ;). I går sto eg og klurte og nappa ut ein cm store bitar om gongen og fekk tilslutt tatt ned ei heil tapetlengd!!! Brukte stimar til å dampa med så trudde jo det skulle sleppe litt bedre. Såg svart på det ei stund, i det tempoet kunne me stått der og reve tapet fram til jul! Så i dag henvendte eg meg til min faste rådgiver; Google. Der fann eg råd! Så eg blanda saman eit par av råda og helte eddik i varmt vatn og rulla på med malingsrulle. Det gjorde susen! Tapeten datt jo ikkje akkuratt ned, men med to par ekstra hjelpsomme nevar fekk me tatt to soverom og gangen! Supert med hjelp :)

Tapeten i gangen var jo faktisk ganske stilig. Fekk ner nåken store bitar eg har tatt vare på til seinare bruk. 

Dåp

Forige søndag hadde me dåp for vetleguten. Det blei ein flott dag der me kosa oss saman med venner og familie. Dåpsbarnet følgte opmerksomt med på alt som skjedde og storkoste seg med all oppmerksomheten. I kyrkja sovna han så godt på tante sitt fang, det skal jo bringe lykke å sove i dåpskjolen, så det var bra :) 

Været var grått om morgonen, men etterkvart skein sola og det blei ein strålande dag. Middagen hadde me på "heimen" i Herøysund. Me hadde laga koldtbord og var litt spendte på om det var nok mat. Det var heldigvis rikelig :) Kaffien flytta me opp i hagen til svigers så me fekk nyta det fine været! 

Det var ein sliten men fornøyd liten familie som gjekk til køys den kvelden.

Invitasjonane

Fann stensil til kjolen på nett. Printa ut ein tekst på blått papir og tegna av stensilen. Limte bilde og invitasjonstekst inni. 

Bordet var dekka med kvite dukar, kvitt servise og enkelt pynta med blåklokker og telys. 

 
 Bordkorta; eg printa ut 30 ulike bilder av goguten vår og limte dei på blått ark med navna på. Kan vel ikkje bli skjønnare enn det?

 Dåpskake frå Yngves.

Kransekake, med pynt som søskenbarna hadde kjøpt til Joakim.

Ein fornøyd liten familie :)

God morgon :)

Å bli vekt av to hender som klaskar deg i ansiktet, kan kjennast litt irriterande. Men når du slår opp augene og ser at bak dei små hendene stråler verdens herligaste smil mot deg, då er alt greit og det er ein god morgon :) 

Nytt oppussingsprosjekt

Me har kjøpt oss hus :) Jippi! 

For tredje gang har me skaffa oss eit oppussingsobjekt, har allerede gløymt at eg var lei av det :) 

Her skal me ikkje bli arbeidslause med det fyrste ;) 

Huset ligg ved sjøen og har eigen strandlinje. Det kjem til å bli så bra etterkvart!

No er det mykje å ta stillig til. 

Kva fargar skal me velga? Skal me ha gips eller tapet i stova? eller bare male over strietapeten som er der? Kva skal me ha kor? Kor skal me begynne?

Ein ting me nesten har bestemmt oss for, er å flytte kjøkkenet på nedsida av huset. 

Det blir meir jobb, men det fristar veldig å ha denne utsikta utover sjøen frå kjøkkenet... 

... istaden for denne utsikta rett opp i vegen!

I første etage er det tre soverom, kjøkken, stove og bad. I første omgang vil me gjere dette ferdig, før me startar med kjellaren. Ute må me også gjera mykje, men det er eit prosjekt for seg sjølv, så det får eg komma tilbake til ein annan gang. 

Eg gledar meg til å komme i gang! 

Ny dress av gammal jakke

Eg har eit lite lager i skapet av kler eg har tenkt å fikse litt på for å fornye dei litt. 

Denne jakka har eg arva frå svigermor, eg hadde tenkt å bare endre snittet litt på den, slik at den blei litt meir figurnær. Men sidan den bare blei liggande og liggande utan at eg fekk gjordt noko med den fekk eg ein ny ide! 

 Fram med saks, målband og symaskin...

 og tilslutt enda det opp som sparkedress til vetleguten! 

Stilig? Det synes eg :) Gult er kult! 

Å komma seg ut døra

Hmm.... Det er vel på tide å gjere seg klar, eg veit jo det pleier å ta litt tid så like grei å vere tidlig ute... Åja du skal ha litt mat fyrst ja, greit da :) ..... Sånn ja, då må me bytta bleia, så kan me komma oss av garde.... Der ja, rein bleia, mett og god, glad og fornøyd :) .... Sjå der ja, gulpa du på heile deg og på mamma, uffa! Jaja då får me bytta kle på deg igjen då..... Ja! Då va da bare å få på deg ytterkler.... Kor e huo.... Leiter..... Leiter..... Der ja! Rett framfor augene mine! .... Sånn då va du klar. Kanskje eg må sjå gjennom stellebaggen! .... Der mangla da bleier! .... Får fylla på.... Jepp! Klar! På med skono mine, så e da bare å henta vetleguten! Søren og! Han ligg i stovo! Av med skono. Henta guten.... Jaja ufdå e du blitt litt utolmodig? Kor e tutten? ..... Der ja! Såså, no e me klare! .....Oki på med skono, ska me sjå, vist eg sette meg her kan eg ta foten så høgt at eg når lissene med handa som holde rundt guten.... Sjå der ja.... Mjuk og smidig :) og så andre skoen! Phu! .... Bøye meg ner sånn ja og tar opp stellevesko.... Då va me klar! .... Ska me sjå, bilnøkklen i den handa .... Vist eg bare strekke meg opp på tå får eg åpna døra og trekkt den til meg, sånn ja! Så sidelengs gjennom døra sånn at vesko ikkje sette seg fast i karmen! Selvfølgelig to dører her! Og den siste e så treig, kom igjen! Ute! .... Sjå der ja, da regne.... Eg har glømt å ta på meg jakka! Inn igjen... Tar bare jakko i armen, no må eg komma meg avgarde! .... Åpna bildøro, sånn ja.... Opp i setet, festa selen..... Ah... Detta gjekk jo bra.... Starta bilen... Hæ? E klokko så mykje? Ka i all verden va da så tok så lang tid? .... Hm... Her lukta da veldig gulp.... Kor e brillene mine? .....

Mintgrønn

Går ikkje fort i svingane her i gården! 

I mars skreiv eg på bloggen at eg ønska meg nye mintgrønne puter. 

Litt seinare i mars kjøpte eg meg mintgrønne putevar. 

Etter vetleguten kom har eg fått det for meg at alt skal vaskast før det tas i bruk, så i april vaska eg putevara. 

Litt seinare i april var mamma på besøk og strøyk dei :) Eg kan stryka sjølv og altså men da e ikkje da kjekkaste eg veit, så då blir da gjerne utsett, så då e da jo veldig greit når mamma kjem og gjer det for meg ;) 

No er det blitt mai og putene er komme på plass i sofaen! 

Skulle bli vårstemning, men med tente lys og ein god kopp te minna det meir om haust i dag. 

Eg og vetleguten har vore i varmebassenget og kosa oss i dag, så no ska me kosa oss inne resten av dagen. Med nye puter, som sikkert snart må vaskast for gulpeflekkar :) 

Gul pute har eg fremdeles lyst på, men det har eg ikkje funne endo... 

God helg! 

Farge ull

Kvite ullkler e veldig fint på vetleguten synes eg. Då ser han ut som den søte uskyldige engelen han er :) men kvite ullkler får fort flekkar på seg, som ikkje går vekk i vask. Difor har eg testa ut å farge nokre plagg med wilton konditorfarge. Fargane kjøpte eg på amazon.com ( ilag med mykje anna kjekt ;).

Eg tok vatn og eddik i ei ildfast form og la plagga oppi. Hadde Varmt vatn i eit beger som eg blanda fargen oppi og helte det over i forma. Satte så forma i ovnen på 120 grader i ca 30 min. Då var all fargen absorbert inn i plagga og vatnet i forma var heilt blankt igjen. Oppskrifta fann eg her. 

Resultatet blei ikkje heilt bra, litt skjoldete og svak farge. Eg hadde to bodyar i samtidig så tenkte det kunne vera grunnen. Difor prøvde eg ein gong til med bare eit plagg. Resultatete blei mykje betre, men fortasatt litt skjoldete, men det kan jo vera dei samme skjoldene som satt igjen frå første forsøk?

Når eg først skulle prøva ut konditorfargane måtte eg jo prøva dei på desse gulrotmuffinsane og! Sjølvsagt orange til dei :) Desse muffinsane er best med ostekrem på, men sidan eg ikkje eter mjelk og gluten for tida blei det ein melangeglasur istaden. Melange, melis og eit egg blanda saman. God den og, men ikkje heilt det samme. I muffinsane brukte eg Toro sitt glutenfrie mjøl og fiber husk, dei blei veldig gode :)

  

Retro kler

Svigemor har tatt vare på kler frå min kjære og søskeno hans var små, desse fekk eg forsyna meg med her ein dag. Synes det var mykje stilig der, og at dei er så godt i hold 30 år etter dei var i bruk er ganske inponerande. Her er eit lite utvalg av det eg fann :) Stilige fargar og stilige snitt!

Vår

Det er deilig vårfølelse ute med strålande vær! Litt kaldt er det, men så godt det er når sola skin! Snøklokkene er komme i hagen. 

Eg har lyst å gjere nåko inne for å få det meir vårlig der og. Tok med eit par snøklokker inn, men dei blei veldig små ;) Prøvde i går å finne fram dei lilla putene igjen. Dei er jo til og med blomar på! Men synes ikkje det hjalp så veldig.

 

Eg har nemlig lyst på nye puter! I mintgrønn og gul :) litt usikker på den fargekombinasjonen, men inni håve mitt ser da fint ut! Rart da der med fargar, koss da skifte kva eg synes er fint. Er ikkje lenge sidan eg ikkje var veldig begeistra for pastellar, men no har eg altså veldig lyst på eit innslag av mintgrønn i hus :) var på senteret i går og kikka, men fant lite og ingenting! Ikkje har eg funne nåke særlig på nett heller, så da e ein viss fare for at desse putene bare eksistere i mitt håve, hihi :)

Eit lite syprosjekt

Sidan vetleguten var født for tidlig hadde eg ikkje kjøpt så mykje kler som passa til han på forhånd. Hadde jo fått beskjed om at dei minste størrelsane var det ikkje vits i å kjøpe så mykje av, for dei veks ein jo ut av med ein gong ;) Etter ymse søk på nett fant eg ikkje så mykje spennande kler, og det vetle eg fann var veldig dyrt for eit lite stykke stoff. Så eg tenkte eg kunne like godt sy nokre plagg sjølv. Eg trudde jo eg skulle ha god tid til dette, eg går jo bare heime, men tida fyk og det blir jaggu ikkje mykje tid til sying!?

Eg satte i gang og teikna mønster, prøvde å teikne av ei sparkebukse som passa godt. Men då dei ulike delane var klypt ut var alt skeivt og ingenting passa saman. Så her var det bare å teikne på nytt! Etter mykje prøving og feiling (eg trur aldri eg har rakka opp eit plagg så mange gonger før) var endelig dressen ferdig :) Men då eg skulle prøve den på vetleguten oppdaga eg at åpninga framme i armane var alt for smal, så han fekk ikkje handa ut! Nedtur. Prosjektet blei lagt vekk nokre veker, men i dag tok eg det fram igjen. Eg laga nye armar med trykknapp i, så no passar den. Ja no passar den akkuratt, ikkje ein millimeter for stor ;) Så no får me bruke den flittig før han veks ut av den.

Jaja, om det blei mykje feiling med denne dressen, så har eg iallefall lært korleis det skal gjerast til neste gong! No gledar eg meg til å ta til med eit nytt prosjekt, eg har mykje nytt stoff som ligg og ventar :)

Termin i dag

I forige innlegg, 23.12, skreiv eg at eg no såg fram til late dagar men at eg var redd eg skulle bli rastlaus etterkvart. Haha, blei ikkje mykje tid til å bli rastlaus her i gården nei. Denne karen hadde andre planar. Om det var begynna å bli for trangt der inne, eller om han bare hadde eit sterkt ønske om å vera eit 2012 barn veit eg ikkje, men 1. juledag kom guten i hu og hast. Eg hadde ikkje tenkt tanken på at eg kunne komme til å føde for tidlig, eg skulle jo bruke den neste månaden på å førebu meg :)
Etter det første sjokket hadde lagt seg har eg virkelig storkosa meg med vetleguten! Me fekk vera ei veke på sjukehuset der me fekk god oppfølging av eit alltid hyggelig personale. Det var likevell ein herlig følelese å få komma heim på nyttårsafta og starte det nye året med vår nye vetle familie. No er det allerede gått ein månad og dagane fyk avgarde. det har no vert herlig å ha han her på utsida av magen denne eksta månaden :)