God jul i stova!

Desember har vore travel med jobb, skule, eksamen og ein mage som veks og veks. Me var komme heilt til 15. desember før me fekk vaska huset og pynta til advent, akkurat i tide til å tenne 3. lyset i adventsstaken ;) I dag kom juletreet på plass og med det eit snev av julestemning. 

Eg har mine første dagar i permisjon og satsar på late dagar framover. Det har gått fint så langt (skulle bare mangla sidan det bare har vart ei langhelg enda :), men har ein mistanke om at rastlausheten kjem snikande etterkvart. 

Kom over eit fototips på bloggen Stines Hjem om korleis ein får juletrelysa til å lysa som stjerner og blei inspirert til å ta nokre bileter av juletreet vårt. Her går det i raudt, med raude kuler og raude hjerter som den kreative besto mi har laga, både i filt og i never. Ho har og laga dei små søte dompappane som sit innimellom greinene.  

GOD JUL! 

Ferietur og ripsgele

I forige veka var eg på besøk hos Besto og Besten på sørvestlandet. Der var me alltid på ferie når me var små. Der er mange gode barndomsminner kommen til. Den gongen var det kjempe langt å reisa og allereie etter 30 min begynna me å spør om det var langt igjen. Bilsjuke var me og. Ååå men så kjekt det var å komme heim til gode Besto og Besten. Det var det denne gongen og.
Mange timar sat eg fasinert og høyrte Besto fortelje historiar frå sitt 90år lange liv. Ho fortalte om ei anna verd, ein annan virklighet. Gode timar.

 Besto er ein multikunstnar som alltid har eit prosjekt på gong. Ho har til dømes fletta dette piletreet. Ganske dekorativt å ha i hagen synes eg.

Besto og Besten bur i nærheten av Eik, der Eik Treskofrabrikk ligg. Det er Norges einaste treskofabrikk og dei lagar masse fine tresko som dei sel over heile landet. Me var innom fabrikken og eg falt for desse fine treskoa som fekk vera med meg heim :)

Eg spurte besto om ho hadde oppskrift på ripsgeleen ho lagar. Den gode ripsgeleen eg huksar så godt. Ho hadde ingen oppskrift, men forklarte framgongsmåten. Eg skreiv det ikkje ner, så eg måtte stole på hukommelsen når eg kom heim og skulle prøve. Fyrst måtte eg altså plukke rips. Eg plukka og plukka i opptil fleire minuttar. Me kan vell vera einige om at det er ganske kjedelig å plukke bær? Dei er jo så små og gjer så lite av seg. Når eg var fornøygd med mengda, bar det heim og eg kokte bæra i litt vatn. Etterpå helte eg dei over ein saftduk (som faktisk er ein duk laga spesiellt for safting! eg fekk den av Besto) så safta blei silt ut. Det viste seg at eg hadde laga heile 4 dl saft! Dette satte eg på kok og hadde i 4 dl sukker. Eg hadde bare vanlig sukker og ikkje syltesukker sånn som Besto sa eg skulle. Så sto det og trakk ei tid før det var blitt til gele! Fantastisk! I går skulle eg smaka på geleen min. Nybakt bolle med ripsgele = NAM. Eller ikkje. Verken konststens eller smak blei særlig bra. Litt usikker på kva eg gjorde feil, men eg får nok prøva igjen ein annan gong. Eg er jo tross alt i besittelse av ein saftduk.