Frå vinter wonderland til varmare strøk

Her er det vinter ute. Natt til fredag kom det mykje snø og den har ligge heilt til i dag. Den ligg her endo men no meir stykkevis og delt i fonner der vinden ville ha den.
I dag har me vore ute og leika oss i snøen med kjekke tantebarn. Me har aka og stått på ski. Kjempe gøy! men det blei kaldt etterkvart, endo me hadde fyr i bålpanna.

No pakkar eg sekken og gjer meg klar til å venda naso mot varmare strøk. Nermare bestemt Rio de Janeiro! Det å reise til Sør amerika og spesielt til Brasil har vore ein draum i mange år og endelig skal det skje! Eg skal ner og møte desse kjekke jentene som er ute og reiser rundt i verda i 4 1/2 månad. Les meir om turen deira i bloggen 4 1/2. Eg gledar meg!

Eg reiser på tirsdag og skal vera vekke i to veker. No er eg altså i gang med å pakke sekken. Alle reiseråd seier at ein må pakke mykje mindre enn ein har tenkt. Så eg har no prøvd det, men sekken ser ut til å bli full likevel. Så då er spørsmålet om eg skal ta ein større sekk, eller ha med endo mindre?? For å pakke smart tenkte eg det hadde vore praktisk å ha posar å sortere ulike ting i. Eg sydde meg difor ein pose til å ha skittentøy i. Eg hadde og tenkt å sy ein pose til undertøy og ein til sko, men det ser det ikkje ut som eg får tid til.

Så då seier eg takk og farvell til snøen og gjer meg klar for sommar, sol og karneval :) Adeus!

Inspirasjon

Til jul fekk eg eit abbonoment på SY magasin av mine kjære søstre med familiar. Ein super gaveide! Eg har venta og gleda meg og i dag kom det endelig i posten. Det er fullt av inspirasjon og oppskrifter, så kjekt!
Bladet minner meg om folkehøgskulen, der eg gjekk på tekstilforming og interessa for søm eigentlig starta. Der var me på biblioteket i Koparvik og lånte utgaver av eit sy-magasin og bestillte stoff frå Stoff og Stil i bøtter og spann. Gode minner :) Kjenner kreativiteten snik seg på når eg blar gjennom magasinet. Håpa det gir seg utslag i praksis også.

Enn så lenge skal eg kosa meg med inspirasjonen og ein god kopp te!

God kveld til deg :)

Ryddebyge og sofaputer

Plutselig kjem den over meg, Ryddebyga. Ei veldig trang til å rydde pressar seg på. Eg får masse energi som MÅ kanaliserast i rydding. Den kjem heilt utan forvarsel og i ulike samanhengar. Muligens blir det utløyst av rot, men det er ikkje automatisk sånn at om det er rot så kjem den. Då hadde den nok komme oftare.
Det går unna i ein fei, eg gjer mange ting samtidig og nermast kosar meg med det. Det gjeld å utnytte byga når den først har meldt sin ankomst. For plutselig blir den vekke, like fort som den kom. Helst før eg blei ferdig med det eg begynna på. Iallefall før eg blei ferdig med alt som skulle vore gjordt. Så står eg der aleine tilbake, med eit berg av arbeid som skal gjerast, og alt er like kjedelig igjen.

Ein rydda versjon av stova, med nysydde puter i sofaen. Håpar me ikkje blir veldig lei av lilla med det første.

Silkekjole

For fleire år sidan arva eg ein kvit silkekjole av tanta mi. Strikken måtte strammast noko og når eg først var i gang med det tenkte eg at eg kunne jo endre litt på designen og. Eg demonterte difor heile kjolen. Kjempe ide! Det ente med at den blei liggande i diverse skuffer og skap, bortgjømd og slett ikkje ein silkekjole verdig. Eg har hatt fleire idar oppover korleis eg kan fikse den, men har aldri gjennomført nokon av dei. Eg har fleire gongar angra på at eg ikkje bare hadde den slik den var, for den var jo fin slik.
Her ein dag satt eg og surfa på nettet og var innom nokre klebutikkar. Då plutselig såg eg heilt for meg korleis eg skulle ha kjolen. Eg gjorde det heilt enkelt, sydde ein saum oppe og drog eit silkeband gjennom, rynka til og sydde saman i sidene. Endelig er silkekjolen klar til bruk!

Orden i sysakene

Syrommet er no så godt som ferdig. Kjekt med eit eige rom der symaskina og diverse prosjekt kan stå framme. 

 Godt med eit skap med plass til å samla stoff, gamle prosjekt og ymse syutstyr. Tråsnellestativet er kjøpt hos Frøken Fryd.

 Boksar frå Ikea som er kjekke å samle småting i. Skal ha nokre fleire av dei.

 Eg har laga meg ein pose til å ha stikkepinnar og heklenåler i.

 Gjesteseng har også fått plass. FlowerPower Gardiner og sengeteppe sydd i stoff frå Ikea.

Velkommen til verden!

Det er komme ein ny baby i vennegjengen. Var og helste på han og dei nybakte foreldra på lørdag. Eit herlig lite nurk. Gratulera så mykje!

Baby på veg er jo ein fin mulighet for eit nytt strikkeprosjekt. Kjekt å strikke gaver til dei små :)

Opskrift på denne jakka fann eg på DROPS Design. Strikka av noko Dale babygarn eg hadde liggande. Litt skummelt å strikka med restegarn, for eg var ikkje heilt sikker på om eg hadde nok. Det gjekk akkuratt med litt juksing. Dette var ei ganske enkel jakke, som var kjekk og strikke. Strikka først dei to framstykka og satte så alt på ein pinne, slik at armar og rygg blei strikka i eit. Kjekt med ein ny vri og så blei det jo mindre å montere etterpå (phu!).

 Denne jakka har også heklekant rundt. Hekling har eg drive veldig lite med, så eg var litt spendt på korleis det skulle bli. Viste seg at eg synes hekling var kjekt, så no har eg sett meg ut ei veske eg vil hekle meg som neste prosjekt.

Montering

Montering er den kjedeligaste delen av eit strikketøy. Du trur du er ferdig når du er ferdig å strikke, men egentlig er det langt der i frå.

Hausten 2009 begynna eg å strikke ei jakke til meg sjølv. Det gjekk vinter og vår, bokstavlig talt, før eg var ferdig med strikkinga. Då var eg så lei av heile strikketøyet at eg la det vekk. Det var jo uansett blitt så varmt i været at ei ulljakke ikkje var mykje bruk for (alle huske vell den varme sommaren me hadde i fjor? ;). Eg hadde likevell som mål å få den ferdig montert til neste vinter, men sidan eg ikkje synes montering er ei spesiellt spanande oppgave, har det blitt utsett. Fant det likevell fram for ein god del veker sidan. Eg gjekk i gang med godt mot. Begynna med å sy saumar med symaskin og klyppe opp til armane og i fronten. Dette gjekk jo leikande lett!  

Prøving og feiling med ulike typar sting førte til FRUSTRASJON. Fekk det ikkje til å bli fint. Eg la strikketøyet ner i strikkeveska igjen og skubba den lenger og lenger under sofaen.

 Så fekk eg ein god ide! Eg tok strikket med heim til mor og vips, der var det gjordt i ein fei :) Takk for hjelpa mamma! Fekk prøva meg litt sjølv og, så kanskje eg kan det til neste gong?

Deilig å vera ferdig! Då kan eg gå i gang med nye strikkeprosjekt med god samvittighet. Og endo er det kaldt nok til å bruke jakka :)

mitt siste strikkeprosjekt

Eg likar godt å strikke og har som regel eit strikkeprosjekt liggande. I går kveld blei eg ferdig med dette settet som eg har strikka på i haust.

Det er strikka med alpaca-garn og oppskrifta er frå DROPS design. Der er det mange fine oppskrifter, og dei er heilt gratis :)