Fargar

Det er ikkje lett med desse fargane. Dei ser ganske annaleis ut på den vetle fargekartlappen enn dei gjer når dei kjem opp på veggen. Eg har blitt overraska fleire gonger under dette prosjektet. Først var det stova som blei meir lilla enn eg hadde sett for meg. Men eg blei no fornøyd likevell. I går skulle eg velge ut farge til det eine soverommet, som eg har tenkt å bruke som syrom. Eg hadde ikkje tenkt noko særleg over kva farge eg ville ha før eg sto i butikken. Der sto det til slutt mellom to fargar, ein blå og ein beige/brun. Butikken stengte snart så eg måtte ta eit kjapt valg. Eg valgte den brune og angra meg med ein gong eg kom ut i bilen! Eg skulle ha tatt den blå :) Når fargen kom på veggen angra eg endo meir, då den blei ganske annaleis enn eg hadde sett for meg. men men pytt sann! Det får bli som det blei, så får eg heller pynta opp med interiøret. Gledar meg til å få eit eige rom til symaskinen og litt orden i sysakene!